Pamahiin

Bulan nga ualay catapusan
Originally uploaded by C Saw.

Isa siguro ito sa mga mahahalagang pag-aarin ni Tita Paz. Galing pa 'to kay Lola Sotring. Mga piraso ng mga gulagulanit na lumang papel na naglalaman ng mga sinaunang pamahiin.
Dahan-dahan itong binuklat ni Tita Paz at binasa upang ipaliwanag ang nakasulat tungkol sa magandang panahon ng pagpapakasal.

Kahapon, habang pinagpaplanuhan ng mga tita ko ang kasal ng pinsan ko, hindi ko mapigilang maramdaman na kasama sa usapan si Lola Sotring. At maganda ang pakiramdam.

Romantic Wish

Lotion
Originally uploaded by C Saw.

Hindi ko malilimutan ang araw na matikman ang iyong halimuyak, ang sandaling dumampi ka aking labi, sa aking dila. Kakaibang tuwa! Hindi ko mapigilang magkalat sa sahig ng opisina. Buti na lang may tisyu.

Pupu

Pupu
Originally uploaded by C Saw.

Friends are like pupu
warm and soft
madikit
mahirap tiisin

at di makayang
tapakan

parang IKAW!

Sarado

Sarado
Originally uploaded by C Saw.

Mabuti ang ibang branch ng McDo, open 24 hours.

Isang araw, nakita ko ang mamang ito nagdadasal sa labas ng saradong simbahan. Alam kaya nya na maririnig ang dasal nya kahit nakaupo sya sa inodoro?

Walang Pakialam

Pasahero
Originally uploaded by C Saw.

Nakuha ng mama sa larawan ang atensyon ko isang gabi habang sakay ako ng MRT. Bigla kasing tumayo sa pagkakaupo ang babaeng katabi nya dahil sa panggigitgit. Habang ang iba ay naka-upong dyes, komportable ang mama sa pagtanaw sa labas ng bintana. Nasakop nya tuloy pati ang espasyo ng babaeng katabi nya.

Napansin ko rin na parang pinipigilan ng mama ang sarili nya umiyak. Parang may halong hiya at kaba sa mukha nya. Minsan nga pinupunasan nya ang mukha nya ng dala nyang bimpo. Naisip ko na malamang may pinoproblema sya.

Minsan ganun talaga ang tao. Kapag may problema, nakakalimutan minsan ang mga tao sa paligid nila.

Pasalamat yung mama at maganda ang gising ko nung araw na yun. Kung hindi, tatabi ako sa kanya at ako ang gigitgit sa kanya hanggang sya ang tumayo!